Achi Girlfriend Kaisi Hoti Hai
Kya aap bhi kisi achi girlfriend ki talash me hai? Or aap abhi is bare me confuse ho ki achi girlfriend kaisi hoti hai or usme kya kya quality honi honi chahiye, jisse ki wo achi sabit ho aur uske sath relationship me aane ke baad aapko kisi tarah ki preshani ka samna na karna pade. Chaliye aaj hum aapko btate hai ki Achi girlfriend kaisi hoti hai. To ab bas kisi bhi ladki ko apni girlfriend bnane se pahle aapko dhyaan me rakhni hogi kuch baatein. Jaise ki uska nature kaisa hai, or uska behaviour aapko pasand hai ya nhi. Iske ilawa ek achi girlfriend hamesha aapko pyaar karegi or aapko hamesha support bhi karegi. Or usi ke sath sath wo aapki azadi ke beech bhi kabhi rok tok nahi karegi. Wo hamesha aapke sath honest rahegi or aapko apne bare me sab kuch btayegi ki jaise ki uski life me kya chal rha hai, wo bhi aapke bina puche. Bas ab aapko sab kuch janne ke liye niche diye steps ko ache padh kar follow karna hai.
Achi Girlfriend Kaisi Hoti Hai
To aaj hum janenge ki Acchi GF kaisi hoti hai. Aur pasand ki ek ladki ko apni jaaneman banane ke liye usme hum kya kya quality dekhte hai or kaise pata laga sakte hai ki wo ladki jo aapko pasand hai wo aapki girlfriend banne ke like hai bhi ya nahi.
Jo Pyar Jataye
Waise to bahut tarah ke raste hote hai apna pyaar jtane ke, lekin har girlfriend ka pyar jtane ka apna alag hi tarrika hota hai. Or wo aap par depend karta hai, jaise ki kuch to bhut jyada hi pyaar jtati hai fir chahe aap kahi bahar hi kyun na ghum rahe ho. Lekin kuch ladkiyan pyaar jtane me bahut sharmati hai. Lagav hone se aap apne aap ko uske kareeb to mehsus karte hai lekin utna nahi jitna ki intimacy (sex) me mehsus karte hai. Lagav hona use kha jata hai jisme aap khule me us person ko dikha sako ki aap uski kitni care karte ho. Or jo ki kisi bhi time dikhaya ja sake fir chahe wo koi bhi time ho jaise ki din ya raat, koi public place ho ya private. Jo ki is bare me sochti ho ki wo kaise apne boyfriend ko show kar sake ki wo uski kitni care karti hai. Jaise ki wo aapke hath me hath dale rakhe, bina kisi baat ke aapko kiss ya hug kare. Ya aapko bina kisi baat ke ya bina kisi matlab ke aapko apna pyaar jtaye or aapko har baat me support kare or etc.
Jo Aapko Gifts De
Jab aap kisi ke sath relationship me hote hai, to dono partners ko ek dusre ko chotte bade gifts dene chahiye. Wo bhi sirf maje ke liye ya ek dusre ki khushi ke liye or khaas taur par bina kisi matlab ke. Ladko ko bhi gift lena bahut pasand hota hai or jo ladki aapko bina kisi matlab ke gifts de iska matlab ye hai ki aap uske liye bahut mayne rakhte hai. Jaruri nahi hai ki wo gift mehnga hi ho. Fir chahe wo ek rose ya ek card hi kyun na ho, bas aapko uske piche ka pyaar dekhna chahiye or uske piche aapki girl friend ko milne wali khushi dekhni chaiye. Bas kabhi aisa na ho ki wo aapko mehnge gifts de kar aapka pyaar kharidna chahti ho ya koshish kare.
Jo Jealous Feel Na Karti Ho
Aap dono ke bich me itna pyaar or understanding honi chaiye ki agar aap apni girlfriend ke samne kisi or hot ladki se baat karte hai jo ki sirf aapki friend hai ya classmate hai to use is baat se koi problem nahi honi chaiye. Or na hi is baat ko lekar aap dono ke bich me kisi tarah ki koi behas ya ladayi honi chaiye. Balki jab aap apni girlfriend ke samne kisi ladki se baat karo to aapki girlfriend bhi khushi khushi us ladki se mile or baat kare. Or use ye bhi btaye ki aap wo uski girlfriend hai. Kyunki jo ladkiyan aise time jealous ya insecure feel karti hai to iska matlab ye hota hai ki wo apne boyfriend par bharosa hi nahi karti. Or aisa relation jyada din nahi chal pata. Kyunki har relation sirf trust par hi chalta hai, isliye hamesha dhyaan rakhe ki aap dono me puri or achi understanding ho.
Jo Pahli Baar Me Hi Jyada Khul Na Jaaye
Jis ladki ko aap pasand karte hai, lekin use pahli baar milne jate hai. To is baat ka dhyaan rakhe ki wo un ladkiyon me se na ho jo ki pahli baar me hi jyada khul jaye. Ya yu kha jaye ki jo abhi aapko ache se janti bhi nahi hai or wo aapke karib aane ki koshish kare. Wo bhi pahli mulakat me to us ladki se aapko dur hi rehna chaiye. Kyunki ya to wo aapko pahle se hi chahti hogi, magar aisa hone ke chances bahut hi kum hai. Lekin ya to use aap jaisa ladka pahle kabhi nahi mila hoga or wo aapki personality se bahut jyada impress ho gayi hogi. Lekin aisi ladkiyon ke saath relation kaam nahi karta. Kyunki sochiye jo pahli baar me hi aapke itne pass aa gayi ho ya aapki girlfriend ban gayi ho. To agar use aapse relation chalte hue koi or ladka pasand aa gaya, to wo aapko beech relation me hi chor degi. Isliye kuch baaton ka hamesha dhyaan rakhe jaise ki jo ladki aapko pahli mulakat me hi apna boyfriend bole to aapko usse dur rehna chaiye. Aapko ye samajhna hoga ki khi vo aapka fayda uthane ke liye ya apna Ullu Seedha karne ke liye to nhi aapke itne najdeek aa rhi hai. Uske baad fir koi bhi achi ladki hamesha kisi bhi ladke ko apna boy friend bnane se pahle use or uske bare me achi tarah se janegi ya apna ek acha dost bnati hai. Isliye hamesha kisi ladki ko apni girlfriend bnane se pahle in baaton ka dhyaan jarur rakhe.
Jo Honest Ho
Ye Sabse jyada jaruri hai ki har girlfriend ko apne boyfriend se honest rehna chaiye. Lekin aaj kal ke time me ek honest girlfriend pana thoda to mushkil hi hai. Kyunki Ladkiyon ko kabhi bhi ladko ki kami nahi hoti, isliye ladkiyon ke honest hone ke chances bahut kum hote hai, Ji haan ye sach baat hai besak is par logon ki thinking alag alag ho but ye fact hai. Isliye ye pata lgane ke liye kuch baatein hai jinhe har boyfriend ko apni girlfriend me notice karna padta hai. Jaise ki aapki girlfriend agar koi mistake kare to wo khud hi apni galati maan kar maafi mangti ho. Uske baad uske sath pure din me jo bhi hota hai ya uska din kaisa jata us bare me sab kuch khud apne boy friend ko btati ho. Sabse important baat agar ladki aapse sach me pyaar karti hai to wo aapse koi bhi baat nahi chupayegi or aap uske sabhi friends or agar possible hua to aap uske family members tak ko jante honge. Or agar aap kabhi upset feel kar rahe ho to wohi hogi jise aapki sabse jyada chinta hogi. Wo aapke bina kuch bole aapki sabhi feeling ko samjhegi or or aapki problems me hamesha sath degi. Kabhi koi jhuta bhana nahi bnayegi ya apni taraf se puri koshish karegi ki aap jis bhi problem me ho wo jaldi solve ho jaye. Ya wo aapki us problem ko aapke sath face karegi.
No Dikhawa
Sabse jaruri or khaass baat hai ki wo hamesha jaisi hai waisi hi rahe. Kabhi bhi aap par ya kisi or par fake impression pane ke liye change na ho ya change hone ki acting na kare. Jaise ki aapko pata hai ki wo kitni modern hai or kitni simple hai. Lekin agar wo aapke sath kahi bahar jati hai to wo jo hai waisi bilkul nahi ban ke aaye jisse ki aapko bhi ajib lagega. Or aapko pata chal jayega ki wo mahool ke sath change hone wali ladki hai. Waise ek hadd tak ye thik bhi hai lekin ye baat sirf kapdo ya khane peene me ho to chalta hai. Lekin agar wo time ke sath apna behavior bhi change karti hai to wo girlfriend bnane ke layak nahi hai. Or ye pata lgana to bahut aasan hai or aap ye baat to bahut jaldi hi dekh kar samaj jaoge ki wo aapke type ki hai ya nahi.
Jo Aapke Interests Me Interest le
Jo Aapki har baat me interest le or is baat ka bhi dhyaan rakhe ki aapko kya pasand hai or kya na pasand. Jo aapki hobbies ko sach me pasand kare na ki sirf use pasand karne ki acting kare. Jaisi ki aapko koi rock band pasand hai to wo sach me use janne ki koshish kare ki aapko wo kyun pasand hai. Or agar aapko video game khelna pasand hai to jaruri nahi hai ki use bhi wo pasand hi ho. Lekin aisa ho sakta hai ki aap dono ka kahi cheeze me same interest ho, to jitna ho sake un interests ko ek sath kare. Jisse ki aap dono ek bond bna rahe or aap dono ko ek sath time bitane ka mauka mile.
Jo Samjahne Waali Baat Ko Samjhe
Koi bhi achi girlfriend kabhi bhi ye nahi chahegi ki aap dono me hamesha ladayi ho. Ya aap dono ek dusre se naraj raho balki wo hamesha ye chahegi ki jitna ho sake utna aap dono is relationship se khush raho. Fir chahe use iske liye thoda bahut compromise hi kyun na karna padhe. Jisse aap khush rahe apne relation se. Jaise ki kabhi aapne use date par le kar jana hoga or aapko koi or kaam padh gya ya aapko apne kisi friend ke sath jana padh gya. To use is baat ko samajhna chaihye na ki is baat ko lekar koi bada seen create karna chaiye. Aapki hone wali girlfriend ko hamesha aapka support karna chahiye khaas kar tab jab aap ka koi match ho ya aapko uske support ki jarurat ho. Or agar wo ek achi girlfriend hai to wo hamesha hi aapko tang nahi karegi. Balki apna bhi kuch karti rahegi jisse ki uska time pass ho or aap dono apni apni life bhi dhang se jee pao.
To friends, ye the kuch lajawab tips jisse aapko ache se is baat ki ek jhalak mil gyi hogi ki, Ek achi girlfriend kaisi hoti hai.Umeed hai aapko hamare ye tips samajh me aa gaye honge. Agar aapko fir bhi inme koi doubt hai ya aapko kisi or topic me problem hai to aap niche comment karke humse apni problem share kar sakte ho. Hume bhi aapki help karne me bahut khushi hogi. Or agar aap in tips ko ache se padh kar samjhoge to ye aapke pure lifetime me kaam aa sakte hai or aapki is problem ko bhi solve kar denge.
0 comments
Post a Comment