Tution Ki Ladki Se Friendship Kaise Kare

Tution Ki Ladki Se Friendship Kaise Kare

Namaskar, Sat Sri Akal, Aadaab… Doston. To kaise ho aap? Main toh bahut badhiya hu, bas aapse baat karne ki wait kar rahi thi aur aap mera wait kar rahe the ya nahi, Jarur kar rahe honge, I know because Main hu hi itni Special  . Main dekh rahi hu ki aaj-kal hamare friends ko Ladkiyon ko propose karne me problem aa rahi hai aur unhe friendship ke liye manane me bahut dikkat-preshani se gujarna pad rha hai. Waise toh problem aani bhi genuine hai.. Bhai ab, Ladki hai to nakhre toh dikhayegi hi aur jab use pata hai ki aap use follow karte hai ya usse friendship karna chahte ho toh phir toh ye nakhre aur bhi badhenge aur attitude bhi aayega.

Recently humse humare ek friend ne ek sawal pucha, vo ek baat ko le kar kasmkas me hai aur unhe ye samajh nahi aa raha ki, ab Main Kya Karu. Baat ye hai ki, vo apni ek tution ki ladki se friendship karna chahte hai aur use friendship ke liye manana chahte hai, but problem ye hai ladki ko manaye toh manaye kaise. Upar se humare dost thode se shy yani sharmile kisam ke insan hai aur is baat ka thoda sa dar bhi lagta hai kahi wo kuch aisa waisa na bol de. So basically unka sawal hai – Tution Ki Ladki Se Friendship Kaise Kare.

Toh bolo friends, hum karenge na inki help Apni pasand ki ladki se friendship karne me. Haan.. toh aapki taraf se haan hai toh kare phir shuru sab ko ye batana ki apne College/ University/Class/Tution ki ladki ko approach kaise kare?

Institute Ki Ladki Se Friendship Karne Ke Tips

India mein toh Apni class ki ladki patana to vaise bhi world famous hai. Most of the Indian Ladkon ki common approach hoti hai apni class ki ladki ko patane ki, aur wo bhi class ki sabse sundar ladki ko patane ki. Toh chalo btate hai, is Ladki ko kaise Impress kare.

  Use Bulane Ka Koi Excuse Dhoondho

Iss cheez mein toh aap sab mahir ho  Waise toh aap samjh hi gaye hoge. Ji haan.. Pen sabse common excuse. Pen/ Pencil ya aisa kuch stationery material toh waise bhi ladkon ke paas muskil hi hota hai, toh bas phir mil gaya aapko excuse use bulane ka. Mang lo usse Pen or isi bhane usse thoda bahut interact bhi kar lena. Aur haan usse jab bhi pen borrow karo toh Pyar se aur good gestures ke sath or pen wapis karte waqt `Thank You` bolna galti se bhi na bhulein. Aapke yhi gestures or aapka first impression uspe work karega. Ye toh aapne suna hi hoga – `first impression is the last impression.` Toh bas make your first and last impression, the best.

  Notes Mang Lo

Kaise lag raha hai aapko ye excuse use bulane ka, Mujhe toh lagta hai ye chalta hai. In fact chalta nahi daudta hai. Maine bhi bahut baar, suna hai or dekha bhi hai  It actually works. Use class notes lo, Use uske notes ke baare mein pucho like, xyz topic kaha hai, yeh kya hai aur Main aapke notes leke jaa sakta hu, kal wapis kar dunga, mujhe apne notes complete karne hai etc. etc… Vaise to aap log iss cheez mein expert hote hi ho to is baare me jyada btane ki jarurat hai nahi. Toh main ab aapko next cheez btati hu jo aapne karni hai.

  Notes Mein Ek Letter Likh Ke Do

Kuch samjhe ke kya karna hai? Haan, ab aapne notes toh unse le hi aaye ho toh ab jab aapka kaam ho jaaye notes ka toh unhe notes wapis karne se pehle, usme ek friendship note dalo. Ab iske liye karna ye hai ki, ek acha sa paper lo, if possible toh aap use heart shape mein cut kar sakte ho but zaroori nahi hai. Ab is sheet mein apna friendship proposal likho, like – `Will You Be My Friend`, `Can We Be Friends`. Ya phir aap kuch mysterious bhi kar sakte ho. Kuch aisa karo ki wo smile kare, like directly ek note likho jis pe likha ho – `Thanks For Being My Friend`. Isse woh sochne lagegi ki aisa kab hua, isse ya toh wo aapse baat karne aayegi ya bas ek smile karegi aapki is naughty yet creative harkat ke liye. Iss note ko uske notes mein rakho or notes use wapas kardo. Aur haan notes dete waqt aap use thodi baat kar sakte ho jaise, Hi! Hello! Kaise ho, Thanks for the notes. Aap use uski han
Aap use uski handwriting ke liye compliment bhi kar sakte ho. But haan uska wo note padne ke liye wait mat karte rehna.

  Friend Ke Through Approach Karo

Agar aap thode shy type hai ya aap use direct baat nahi kar paate toh is tarah ke cases me friends bahut help karte hai. Aapne dekha hoga ki wo aapko hamesha kuch na kuch bolte honge, salah dete honge, jaise ki – Jaa kar le baat, Kuch nahi hota yaar, Aise cases me peer pressure me aake kahin kaam kharab na kar liyo. Calmly sab kaam karna.

Aapke liye ek aur option hai, use kisi common friend ke through approach karo jo uski acchi friend ho aur aapki bhi friend ho(bahut close na bhi ho tab bhi chalega). Agar aap use direct kuch nahi bolna chahte toh apni friend ko bol sakte ho aapke behalf pe baat karne ke liye. Aur waise bhi isse aapka kaam jaldi ho jayega kyunki wo uspe pahle se trust karti hogi aur wo jaldi convince bhi ho sakti hai.

Note: But ek baat ka khyal jarur rakhein ki kuch girls is cheez ko negative bhi leti hai, like vo sochti hai jis person me apni baat kahne ki himmat bhi nahi hai vo vaise bhi relationship me kya karega. Aur vo sirf is vajah se bhi Naa kar deti hai. So kisi common friend ko involve karne se pahle is cheez ke baare bhi thoda jarur soch lein ki ye cheez us par kaam karegi ya nahi. Vaise Main personally sochti hu, agar aap khud baat karo to better rahega.

  Looks Se Impress Karo

Ye galat fehmi rakhne ki galti toh mat hi karna ki looks or taiyar hona sirf ladki ke liye important hai. Nahi! aap apni looks se bhi ladki ko impress kar sakte ho. Institute ya college jha bhi vo aapko milti hai vha jaate waqt apne looks ka pura dhyan rakho, apni Dress, Hairstyle, Shoes ka khaas khyal rakho (ye jaruri nahi ki aap bhut mehangi aur branded kapde hi pahno, aapko bas ye khyal rakhna hai ki aap jo bhi pahno vo aapke upar suit kare and saaf suthre well ironed jrur hone chahiye). Apni puri personality se jaao aur ladki khud aap se impress ho jayegi aur ho sakta hai aapse khud baat bhi kar le, but is cheez ki kabhi wait na karo to hi acha hoga. Agar aisa nahi bhi hota toh aapko use aapse baat karne ke liye jyada convince nahi karna padega. Aapki looks se aap mein confidence bhi aa jata hai aur aapka confidence me rehna bahut jaruri hai.

♠ Confidence Nahi to Kuch Bhi Nahi

Doston upar maine aapko har cheez easy language me detail me samjha di hai par ek baat aur aap jitni acchi tarah se samajh lein, aapke liye utna hi accha rahega. Aur vo baat ye hai ki – Aapke Andar Confidence Hona Bahut Jaruri Hai. Yadi aap me ladki se baat karne ka confidence nahi hai to besak rishta jud bhi jaaye, kisi tarah friendship ho bhi jaaye, it doesn’t last long. Agar aap seriously Us Ladki ko paana chahte hai to apne andar itni himmat jarur rakhein ki aap usse baat kar sakein, uski tareef kar sakein, use compliment de sakein and uske saath hansi-majak aur har tarah ki baat kar sako. Koi bhi ladki darpok aur boring kisam ka ladka nahi chahegi. 100 baat ki ek baat, Aashiqui ke liye Dum Chahiye.

Toh friend ye the kuch tips – `Coaching Ki Ladki Se Dosti And Friendship karne ke Tips`. Umeed hai aapko jarur acche lage honge. Kuch koshish karoge toh pakka successful bhi hoge, vaise bhi bina kosish kiye aaj tak kisi ne kuch hasil nahi kiya hai. Aur phir humare friends aur aapki apni Shivshi ke bataye hue tips aapke liye kaam na kare ye to possible hi nahi hai. yakeen maano humare friends ne aapko ye tips apne personal experience se diye hai  toh work definitely karenge.

Ab agar aapke paas kuch or tips hai toh hume batana zaroor. Aur iske liye comment box toh aapko pata hi hai, niche hai. Toh phir milte raho aur baatein karte raho Apni riya  se Ladki mane na maane   hamesha apne friends ke liye hazir hai.. Wait karungi aapka. Bie…