Acha boyfriend kaisa hota hai

Acha Boyfriend Kaisa Hota Hai
Kya aap bhi kisi boyfriend ki talash me ho,
Lekin kisi ladke ko bf bnane se pahle janna
chahti ho ki.. ek acha boyfriend kaisa hota
hai? Agar aapka answer Haan hai to, fikar not!
ab hum aapko detail me btayenge ki ek ladka
ek acha Boyfriend kab kehlata hai. Dekho dear,
sabse pahle to aapko ek baat samajh leni
chahiye ki, jaise haath ki sabhi ungliyan ek
saman nahi hoti waise hi har ek ladke ki ek
alag personality hoti hai. Ab aapko ek acha bf
paane ke liye sabse pahle apni pasand ka ladka
dhundhna hoga, uske baad uske bare me aapko
kuch basic information collect karni hogi jaise
ki… wo kis tarah ka insan hai, uska nature kaisa
hai aur use kis tarah ki cheeze pasand aur
napasand hai. Relationship jodne ke liye jaruri
hai ki uski or aapki thinking match hoti ho. Iske
alawa aur bhi kyi baatein hai jo ki aapko kisi
ladke ko apna boyfriend bnane se pahle dhyaan
me rakhni hoti hai. Vo sab hum aapke saath is
article – `Acha boy friend kaisa hota hai` me
share kar rhe hai. Bas ab dimag shant karke
niche diye gaye points ko ache se padh kar
samajhna hoga, jisse ki aapko pata chal sake ki
ek acha boy friend kaisa hota hai aur yadi
aapka already ek bf hai to vo acha hai ya….
Ek Acha Boyfriend Kaisa Hota Hai
To aaj hum janenge ki ek acha boyfriend kaisa
hota hai, or usme kya kya quality honi chaiye ?
Jisse ki wo ek acha boyfriend saabit ho. To ye
sab janne ke liye aapko bas niche diye gaye
tips lp steps wise ache se padh kar unhe follow
karna hai. Let’s start now…

Samne Kuch Aur Piche Kuch Aur Wala Insan
Na Ho

Ladka jaisa hai waisa hi rahe, aisa na ho ki time
aane par wo change ho jaye. Matlab, vo aapke
sath bhi vaisa hi behave kare jaisa vo dusron
saath behave karta hai. Ek banawati insaan par
kabhi bhi bharosa nhi karna chahiye, kyunki vo
kab badal jaaye kuch kha nhi ja sakta. Jo use
pasand ho wo wohi kare kisi ke bare me na
sochta ho, ki logo ko uske kuch karne acha
nahi lagta bas ye na soche. Jo logo ke samne
showoff na kare or fir chahe uske paas kuch na
ho. Ya kisi ko impress karne ke liye wo waisa
ban jaye jaisa ki wo asal me hai hi nahi. Aise
ladko ke sath ladkiyon ko kabhi honest relation
nahi milta. Kyunki wo time aane par us ladki ko
bhi chor dete hai jo unhe besak sacha pyaar
karti ho.

Jo Sabke Sath Polite Acha Behave Kare

Ladkiyon ko sochna chahiye ki jo ladke polite
hote hai, jaruri nahi hai ki wo boring ho. Kyunki
jyadatar girls yhi sochti hai ki us type ke ladke
boring hote hai or isliye wo unhe ignore kar deti
hai. Lekin asal me wohi ladke hote hai jo ki
serious relationship ke liye bane hote hai ya jo
ki uska real matlab jante hai. Ek tarah se unhe
hi samajh hoti hai ki jab kabhi breakup hota hai
to ladkiyon ko kitna dukh hota hai or jo is baat
ki kadar bhi karte hai. Or aisa karne se pahle
100 baar sochte bhi hai ki aage is action se us
ladki par kya farak padhega. Iske sath hi
ladkiyon ke ilawa bhi wo baki sabhi ke sath
polite behave hi karta ho, fir chahe uske samne
koi waiter ho ya koi old insan. Isliye ladkiyon ko
sochna chahiye ki polite ladke bhi boyfriend
bnane ke kabil hote hai.
Yha Padhe : Ladkiyon Ko Kaise Ladke Pasand Hai
Jo Affectionate Moments ko Samajhta Ho
Waise to bahut tarah ke raste hote hai apni
girlfriend ko apna pyaar jtane ke, lekin har
boyfriend ka pyaar jtane ka alag or apna hi ek
tarrika hota hai. Jyadatar ladke kum hi jtate hai
ki unhe aapse pyaar hai ya wo aapki care karte.
Lekin kuch hote hai jo ki har baat par aapko
jtate hai ki wo aapse pyaar karte hai, lekin ye
bhi acha nahi hota. Ladkiyon ko ladko ka
behave dekh kar hi samajh jana chahiye ki wo
ladka aapki kitni care karta hai or sath hi wo
ladka aapke liye kaisa feel karta hai. Aur aapke
sath kaisa behave karta hai. Kyunki kuch
baatein hamesha bolne wali nahi hoti isliye
ladkiyon ko bhi ladko ki feelings ko samajhna
chahiye. Fir unhe judge karna chahiye or
sochna chahiye ki wo ladka unke layak hai ki
nahi. Isse aapka relationship bhi ache se
chalega or is baat ko le kar aapko aapke
relation me kabhi bhi koi problem nahi hogi.
Ladke apni feeling kum hi show karte hi is
mamle me fir chahe unke samne koi bhi ho
jaise ki girlfriend, gharwale ya friends. Bas unke
aapke sath kiye gaye behave or aapke liye unke
taraf se ki gayi care or support hi unka aapke
liye pyaar hota hai.
Jo Women Ki Respect Kare
Aaj-kal jis tarah se newspaper me, News me
aur social media par rape ki news aati hai us
hisab se to ladkiyan bilkul bhi secure nahi hai.
Lekin aapko aisa ladka talash karna hai jo ki
har tarah ki girls ya women ki respect karta ho.
Sath hi janta bhi ho ki unke sath kis tarah se
behave karna chahiye, jisse ki ladki ya koi
women uske sath secure feel kare. Kyunki kuch
ladko ki wajah se bahut se sharif ladke hote hai
jo ki badnam ho jaate hai. Or ladkiyan bhi unhe
usi najariye se dekhti hai jaise ki kharab ladko
ko dekha jata hai. Isiliye kha Jata hai ki kisi ko
bhi itni jaldi judge nahi karna chaiye. Har kisi ko
utna time to milna hi chahiye jisse ki aapko
pata chal jaye ki ye ladka us kabil hai ya nahi.

Jo Ki Aap Par Trust Kare
Ek tarah se aaj-kal aisa time aa gya hai ki, agar
koi ladki apne kisi ladke friend se baat kar rahi
hai ya uske sath ghum rahi hai to uska
boyfriend is baat ko lekar bahut jealous feel
karne lagta hai ya bahut bada issue bana deta
hai. Or sath me ye bhi sochne lagta hai ki uski
girlfriend ka us ladke ke sath affair chal rha
hai. Jab ki aisa kuch nahi hota, ye bas trust
karne ya na karne ki baat hai. Or jyadatar ladke
aisa hi sochte hai, isliye ya to ladkiyon ko jab
bhi apne kisi ladke friend se baat karni hoti hai
ya koi kaam hota hai to pahle apne boyfriend
ko btana padhta hai ya usse milte time apne
boyfriend ko apne sath rakhna padhta hai.
Jisse ki baad me unme ladai na ho. Ya iske
ilawa pahle se apne boyfriend se clear karle ki
aapke friend circle me ladke bhi hai jo ki aapke
friends hai or jinhe ki aap apne boyfriend se
pahle hi milwa bhi sakte ho. Jisse ki baad me
aapka boyfriend bilkul bhi jealous feel na kare,
jab ki aap apne friends se baat kar rhi ho or isi
ke sath wo aap par pura bharosa rakhenge.
Ya aapka hone wala boyfriend aisa hona
chahiye jo ki aapko itna samajhta ho ki pahle to
aapke har tarah ke friends ke sath jaan
pehchan bnaye, aur sath hi aap dono ke beech
me itni understanding rakhe ki kabhi bhi kisi or
ki wajah se apne relationship me koi bhi darar
na aane de. Jisse ki aapka relation kharab ho
ya aap dono me us baat ko lekar behas ya
ladayi ho.
Jo Aapki Feelings ki Care Karta Ho
Iska matlab ye nahi hai jo cheez aapko pasand
nahi or ladke ko pasand hai, aap use wo karne
se bilkul hi mna kardo. Iska simple sa matlab
ye hai ki jaise agar aapka boyfriend galat logo
ke sath rehta ya ghumta hai to use wo karne
se mana karo. Or jo ki aapki ye baat samjhe ki
aap use kis level me bol rahi ho. Or fir wo
waisa hi kare jisse ki aap dono ki life sahi rahe
aage chal kar bhi. Matlab ki jo aapki is baat ko
samajh kar apne future ke bare me soche. Iske
sath hi ladkiyon ko bhi is baat ka fayda nahi
uthana chahiye agar aapka boyfriend aapki
khushi ke liye compromise karne ko taiyar ho
jata hai. Kyunki jyadatar ladkiyan isi baat ka
fayda utha kar apne boyfriend ko apne ishare
par nachati hai. Or baad me isi karan unka ka
relation bilkul khatam ho jata hai. Or fir wo
pachtate hai isliye aapko bhi unka sath dena
chahiye, khas kar tab jab wo aapki khushi ke
liye compromise kar rha ho. Iske baad jo ki
aapki life or aap me puri tarah se interest le or
sath hi aapko har jagah support kare.
Agar wo aap me interest lene me katrata hai ya
use aapke sath rehne ya ghumne me sharam
aati hai to us relationship ko tabhi kahtam kar
dene me hi aapki bhalayi hai. Kyunki agar wo
aap me interest hi nahi le rha ya aapko support
nahi kar sakta to iska malab ki wo aapke liye
bilkul bhi serious nahi hai. Isiliye is baat ka
khass dhyaan rakhe ki jo aapko hamesha
support kare fir chahe wo koi khel ka maidan
ho ya aapka koi kaam ho. Or sath hi jo aapki
har cheez me interest le jaise aapke bare me
janne ki icha jtata rahe or aapki pasand or na
pasand ka khyaal rakhe. Iske sath hi agar aap
kuch galat karti ho to aapko tokke or
samajhaye ki aap galat ho. Fir aapko sahi raste
par bhi le kar jaye or aapko puri tarah se
support kare.
Jo Aapko Apni Puri Space De
Agar aap kahi bahar jana chahti ho, apni kisi or
friend ke sath to wo aap par kisi bhi trah ki koi
rok tok na lgaye. Balki agar aap busy ho to wo
bhi apna kuch kaam kar le ya apne dosto ke
sath kahi ghum le. Bas ladka aisa ho ki jo
aapke ek baar bolne par samajh jaye ki – Haan
aapki ek apni bhi life hai or is cheez me usko
jyada interfere nahi karna chahiye. Balki use
khushi honi chaiye ki aap apna kuch khud karne
ja rahi ho ya independent type ke ho. Bas ladka
aisa na ho ki jo aapko baar baar bole ki mere
sath chalo or ghumo and all. Bas jo ki aapki
feelings janta ho or aap par trust bhi karta ho
puri tarah se. Jo ki space ka matlab janta ho
bas.
To friends ye the kuch lajawab tips ye janne ke
liye ki, Acha boyfriend kaisa hot hai . Umeed
hai ki aapne in tips ko acchi tarah se padh kar
samajh liya hoga. Agar fir bhi aapke mann me
kisi bhi tarah ka koi doubt hai ya aapko Life se
judi kisi problem me humari help chahiye, to
aap niche comment karke humse apni koi bhi
problem share kar sakte hai. Hume bhi aapki
help karne me khushi hogi.